«Аксеновка орта мектебі» КММ Қазақстан Республикасы халықтарының тілдер мерекесіне орай өткізілген «Тілдер апталығының» қорытынды есебі.

2018-2019 оқу жылы.

     Қыркүйек айының 17 мен 21 қыркүйек аралығында Қазақстан Республикасының тілдер мерекесіне орай мектепте апталық бағдарлама жоспары құрылып бекітілді. Жоспар бойынша төмендегі іс-шаралар өткізілді.

17 қыркүйек күні «Тілдер күніне» арналған аптаның  салтанатты ашылуы өтті. Үш тілде өлең жолдары оқылып, 11-сынып оқушысы Мелешенко Вероника қазақ әнін нақышына келтіріп орындады. Мектеп кітапханашысы Краснова В.В. ұйымдастыруымен кітап көрмесі өтті. Бастауыш сынып оқушылары арасында «Қазақстан – алтын ұям» атты сурет сайысы  ұйымдастырылды. Жауапты Ибышев Н.К. Тілдер мерекесі аясында ашық сабақтар да берілді.«Станционный смотритель» атты сабақ  7-сыныпта орыс тілі маманы Калиаскарова  З.А. өткізді. Қазақ тілі мұғалімі Кожахметова З.Н. 5 сыныпта «Тіл – халықтың жан айнасы» атты сыныптан тыс сабақ өткізді. Орыс тілі пәнінің мұғалімі Баженова Ғ.А. «Уроки доброты»  атты ашық сабақ 8-сыныпта өткізді. 2-сыныпта Таккужина А.А. «Язык мой – враг мой» атты сынып сағатын өте тартымды ұйымдастырды. Сыныпта 5 қыз бар. Барлығы да іс-шараға ат салысып, белсене қатысты. Қазақ тілі пәнінің мұғалімі Сейткасимова Д.М. «Тіл – халықтың қазынасы» атты сыныптан тыс іс-шара өткізді. Игбергенова Ж.С. қазақ тілі мұғалімі 7-8 сынып аралығында  викторина өткізді. Тілдер мерекесіне арналған апталықты жалпы мектепішілік «Туған жерің – түп қазығың» атты фестивальмен ұштастырылды. Оған 5-11 сынып оқушылары белсене қатысты.  Мұнда Қазақстанда тұратын әр ұлт өкілдерінің тілінде сөйлеп, би билеп, ұлттық киім үлгісі мен музыкасына, асханасынан, ұлттық ойыннан, салт-дәстүрінен көрініс көрсетілді. Концерттен кейін оқушылар ата-аналардың қатысуымен «Күз өнімі» атты жәрмеңкеде өздері әзірлеген тағамдарын сатып, жалғасын тапты.   Сынып жетекшілері мен мұғалімдер жауапкершілікпен бекітілген күн бұрын берілген тапсырманы уақытында өз деңгейінде орындап шықты. Апта соңындағы жиында барлық сынып оқушылары әр түрлі номинацияларда грамоталармен марапатталды.