«Қауіпсіз терезе» акциясы аясында 2024 жылғы 12 мамыр күні бастауыш сынып оқушыларымен тәлімгер Олеся Алексеевна Мороз танымдық кездесу өткізді.
Іс-шара барысында оқушыларға терезе қауіпсіздігі туралы маңызды мәліметтер жеткізілді. Сабақ түрінде өткен әңгімеде түрлі слайдтар мен көрнекі иллюстрациялар көрсетіліп, түсіндіру жұмыстары жүргізілді. Сонымен қатар, бейнематериалдар арқылы балалардың назарын аударып, тақырыптың маңыздылығы ашыла түсті.Оқушылардың алған білімдерін нақтылап, бекіту мақсатында шағын викториналық ойын ұйымдастырылды. Бұл қызықты әрі пайдалы шара балалардың қауіпсіздік ережелері жөніндегі түсінігін арттыруға және өмірлік маңызы бар дағдыларды қалыптастыруға септігін тигізді.