Жас ұрпақтың амандығы мен қауіпсіздігі – қоғамның басты құндылықтарының бірі. Осы мақсатта мектебімізде 5-10 сынып оқушыларына арналған «Қауіпсіз терезе» атты акция аясында профилактикалық әңгіме ұйымдастырылды.
Іс-шараның негізгі мақсаты – оқушыларға күнделікті өмірде қауіпсіз жүріс-тұрыс дағдыларын сіңіру, олардың өмірі мен денсаулығына төнетін қауіптердің алдын алу, сондай-ақ, терезеден құлау сияқты қайғылы жағдайлардың болмауына ықпал ету.
Әңгіме барысында оқушыларға қауіпсіздік ережелері түсінікті әрі тартымды тілде жеткізілді. Шынайы мысалдар келтіріліп, түрлі жағдайлар талқыланды. Балалар өз тараптарынан сұрақтар қойып, белсенділік танытты.
Мұндай іс-шаралар оқушылардың қауіпсіздікке деген жауапкершілігін арттырып, оларды сақтыққа, сергектікке баулиды. Өмір — баға жетпес байлық, ал оны қорғау — әрбіріміздің ортақ міндетіміз.